Dili – Ministro interior orienta komando polisia munisipio Dili, buka fatin seluk ba manifestantes sira halo demonstrasaun.
Xefe governu Taur Matan Ruak informa, ministerio interior orienta ona komando polisia munisipio Dili hodi negosia ho estudante universitario atu buka fatin seluk hodi halo manifestasaun.
Actual ministro interior Taur Matan Ruak hateten, manifestantes sira nia asaun perturba diskusaun orsamentu geral estado tinan 2023.
Presidente parlamentu nasional Anicetu Guterres Lopes dezafia pntl atu atua manifestante sira tuir kodigo penal artigo 205, perturbasaun ba orgaun konstitusional nia funsionamentu.
Aliansa maubere nasional nebe kompostu husi estudante universitario sira nebe ejiste iha Dili, halo manifestasaun hasoru parlamentu nasional atu husu kanselamentu sosa kareta pajero sport no halakon lei pensaun vitalisia.
(Alau/Siso)
