Dili – Tribunál distrital Dili, aplika medida koasaun prizaun preventiva ba arguidu nain haat tanba iha indisius forte, envolve kazu homisidu iha Dare.
Tribunál distritál relaiza prosesu interogatoriu dauluk ba arguidu nain 27 ne’ebé iha indisius forte, envolve kazu konfrontu Dare, aldeia fatunaba, postu administrativu vera cruz munsipiu Dili, hodi rezulta Clementino Borges mate iha fatin.
Juiz titulár Afonso Carmona hasai despaixu ikus hodi aplika media koasaun prizasaun preventiva ba arguidu nain haat ho inisál C, N, F no L.
Enkuantu, arguidu nain ruanulu resin tolu seluk, tribunál aplika aprezentasaun periodika hodi aprezenta aan fulan ida dala rua ba ministeriu púliku.
Advogadu privadu Rui António Da Costa afirma, nia parte sei aprezenta rekursu kontra desizaun tribunal distrital Dili.
Reprezentante ministeriu publiku, prokurador titular, Domigos Bareito sei iha loron sanulu resin lima sei halo rekursu hodi husu ba tribunál, atu aplika prizaun preventiva ba arguidu nain 23 seluk, hodi evita krime seluk.
(Juvenal/Siso)
