Dili – Primeiru ministru aprezenta opsaun polítiku lejislativa, hodi kombate má nutrisaun, iha Timor-Leste.
Ministru prezidensia konsellu ministru, Fidelis Magalhães informa, proposta aprezentasaun ne’e, sai hanesan baze ba inisiativa atu kria unidade misaun ida, hodi kombate hasoru má nutrisaun.
Dadaun ne’e, Timor-Leste rejistadu kazu ma nutrisaun atinji pursentu 47.
Iha parte seluk, xefe governu aprezenta mos opsaun polítiku lejislativa hodi kria estatutu pesoal servisu nasional intelijensia, no opsaun polítiku lejislativa seguransa nutrisional no implikasaun dezenvolvimentu kognitivu labarik nian.
(Bitu/Siso)
