Dili – Konsellu imprensa konsidera, notisia ne’ebe jornal independente publika bazeia ba kódigu étika jornalistíka.
Pozisaun ne’e, aprezenta husi prezidente konsellu imprensa Virgilio Guterres, liu husi konferensia imprensa, iha salaun konsellu imprensa kintal boot, tersa-feira ohin.
Virgilio Guterres husu ba pntl atu retira karta notifikasaun ba xefe redasaun jornal independente Jorginho Dos Santos no jornalista Domingos Gomes, tanba la tuir dalan ne’ebe haktuir iha lei komunikasaun social, artigu 34 kona-ba direitu resposta no direitu retifikasaun ka haloos notisia.
Prezidente konsellu imprensa, Virgilio Guterres akresenta, notifikasaun husi servisu investigasaun kriminal ba jornal independente ne’e la refleta valor luta libertasaun nasional, tanba jornalista no media mos kontribui maka’as ba luta direitu umanu no libertasaun nasional.
To’o notisia ne’e fó sai, RTTL seidauk hetan komentario ruma husi autoridade seguranca tanba adia ba loron quarta-feira aban.
(Bitu/Siso)
