Dili – Governu ho to’os nain, koileta hare hektares 6, iha area Uatu-Carabau, iha sabádo fim de semana.
Representa primeiru ministru, Filipe Da Costa apresia ba fundasaun konsellu resistensia nagasoro nia esforsu tomak konsege hatudu resultadu ne’ebe diak.
Tuir nia, parte ida apoiu ona governu liu husi produsaun hare, no bele kontribui hamenus mal nutrisaun iha Timor Leste.
Autoridade lokal suku Afaloikai, januario pinto informa, natar ulu bui uaisau kobre suku haat, maibe enfrenta problema, tanba ne’e, sujere ba governu atu halo irigasaun.
Presidente fundasaun konsellu resistensia nagasoro, Domingos Boavida Koboy promete, haluan tan natar inklui atividade seluk bainhira hetan apoiu husi governu.
Fundasaun konsellu resistensia nagasoro halo ona natar hektares 69 iha area baguia no Uatucarabau.
(Pedro De Almeida/Siso)
