Dili – Governu Timor Leste ho Indonesia kontinua diskute zona livre komérsiu, iha fronteira entre Indonézia no Timór-Leste iha Oecusse.
Komunikadu imprensa ne’e RTTL asesu, husi gabinte primeiru ministtru Taur Matan Ruak iha palaciu do governu Dili segunda-feira ohin.
Diskusaun ne’e halao, iha sabado fim de semana, lidera husi primeiru ministru, akompaña hosi ministru prezidénsia konsellu ministru ho ministru relevantes no prezidente autoridade RAEOA.
Delegasaun Indonesia kompostu husi governador institutu defeza nasionál Indonézia, Andi Widjajanto, governadór nusa tengara Timur-NTT, Viktor Bungtilu Laiskodat, emprezáriu sénior Indonézia, Tommy Winata no seluk tan.
Ministru prezidénsia konsellu ministru Fidélis Leite Magalhães haktuir, encontro ne’e diskute konaba planu hari’i zona livre komérsiu iha fronteira iha rejiaun administrativa espesiál Oekusi ambenu-RAEOA.
Governador institutu defeza nasionál Indonézia, andi Widjajanto esplika, planu ne’e, hanesan meio ida atu hametin relasaun bilateral nasaun rua.
Enkontru ne’e nu’udar kontinuasaun hosi rezultadu enkontru bilateral entre prezidente repúblika Timor Leste, José Ramos Horta ho nia Omólogu, Joko Widodo iha fulan jullu liu bá iha Jakarta-Indonézia.
(Domingos/Siso)
