Dili – RENETIL husu xefe governu Taur Matan Ruak foti medidas hasoru membru governu nain tolu neebe interven servisu investigasaun husi servisu nasional intelejensia.
Pedidu ne’e, hato’o husi, porta voz resistência nacional dos estudantes de Timor-Leste-RENETIL José Antonio Neves Samala-Rua, liu husi konfrensia imprensia iha kinta-feira ohin.
Portavoz José Neves Samala-Ruan la konkorda, ho pedidu ezonerasaun ba kargu azente polisia no azente investigsaun kriminal, tanba sira halao sira nia servisu tuir lei neebe haruka.
Porta voz nee aprofunda, sidadaun neebe tenta lori osan montante boot sai husi teritoriu naional neebe kontra lei, hakarak atu hamonu integridade no dignidade estadu Timor Leste.
Iha semana kotuk, ekipa konjunta kompostu husi servisu nasionál intelejensia, servisu informasaun polísia, S2 polísia militár, alfándega, J2 F-FDTL no polísia sientífika investigasaun kriminál prende osan dolar amérikanu rihun atus ida tolu nulu ho osan rupiah millaun hat nulu, iha aeroportu internasionál Nicolau Lobato.
Osan sira ne’e deskonfia lori husi membru partidu KHUNTO na’in tolu, ho inisiál SMG, CFBB no MRSVB.
Tuir informasaun katak osan dollares amerikanu 130 neebe prende iha aeroportu atu utilija sosa atributu partidu nian iha Indonesia hodi prepara ba kampanha parlamentar tinan 2023.
(Domingos/Siso)
