Dili – Primeiru ministru kompromete sei altera dekretu lei redusaun salariu ba institutu autonoma sira.
Xefe governu Taur Matan Ruak komfirma, salariu bo’ot ba dirijentes institutu autonoma hanesan EDTL EP, BTL.EP no sira seluk, tanba governu opta deit dekretu lei sira anterior.
Maibe governu da-ualu iha komitmentu atu hadia hodi halo redusaun ba sira nia salariu.
Prezidente EDTL.EP, Paulo Da Silva komfirma, nia simu salariu boot, tamba desizaun husi governu, bazeia ba lei anterior sira.
Tuir tabela salarial ba dirijentes institutu autonoma kada fulan simu salario ho montante liu rihun ne’en dolares amerikano ba leten enquanto;lider orgaun soberano sira la to’o rihun ne’en.
(Manuel/Alau)
