Dili – Eis konsulado jeral Timor-Leste iha Australia aprezenta prosesu kontra ministra negosio estranjeiro no koperasaunba tribunal distrital Dili.
Eis konsuladu jeral Timor Leste iha Sidney Australia, Luciano Valentin Da Conceição hateten, keisa hasoru ministra Adalgija, tamba fo sai lia falsu katak konsulado jeral iha australia troka konta bankaria hodi difikulta transferensia orsamentu ba sidney Australia.
Luciano Valentin hatete, tuir regra jerais, ministerio finansas mak iha kompetensia atu halo mudansa ba numero konta bankaria, laos konsulado jeral no emabaixador sira.
Tamba ne’e, eis konsulado jeral ne’e halo defeza ba nia a’an, hodi hato’o keixa ba tribunal distrital dili kontra deklarasaun ministra negosiu estranjeiru no kooperasaun Adalgiza Magno.
Defensor públiku, Sergio Quintas reforsa, nudar dedensoria publiku rejistu ona prosesu sivil ne’e ba tribunal distrital dili hodi kontra ministra negosiu estranjeiru no kooperasaun Adalgiza Magno konaba deklarasaun falsu.
Antes ne’e, ministra negosiu estranjeiru no kooperasaun Adalgiza Magno deklara, governu la konesege transfere osan ba konsulado jeral iha Sidney Australia, tamba konsulado jeral troka numeru konta bankaria hodi difikulta prosesu tranfere osan.
(Juvenal/Alau)
