Dili – Labarik nain lima nulu ho idade tinan 5 mai kraik afeta moras HIV/SIDA.
dados ne’e relata husi deputada Lidia Norberta durante plenaria tersa feira semana ne’e.
Deputada Lidia Norberta deklara, tuir informasaun nebe hetan husi institutu nasional kombate HIV/SIDA katak labarik tinan lima mai kraik lima nulu mak dadaun ne’e afeta hela virus HIV/SIDA.
Deputada ne’e deskomfia moras ne’e daet husi inan aman ba oan sira, bainhira inan sei joven afeta ona moras HIV/SIDA, ikus hodi hadaet ba oan sira.
Secretaria meza parlamentu nasional ne’e husu governu atu tau atensaun ba perigo husi HIV/SIDA, tamba to’o agora seidauk iha aimoruk atu kura moras refere.
Entretanto ;tuir dadus, neebe rejistu iha institutu nasional kombate HIV/SIDA ema neebe afetadu ba moras HIV hamutuk rihun ida atus hitu resin, ema neebe lakon vida hamutuk atus rua resin.
(Bitu/Alau)
