Dili – Prezidente republika José Ramos Horta sei halao vizita estadu ba Nova Yorke iha kuarta-feira semana ne’e.
Prezidente republika, José Ramos Horta, hato’o informasaun nee, hafoin aktualiza preparasaun deslokasaun xefe estadu ba Nova Yorke, ba primeiru ministru Taur Matan Ruak, iha segunda-feira ohin.
Iha vizita xefe estadu ba Nova Yorke ne’e, sei aprezenta asunto nasional, politika Governu Timor-Leste ba prevensaun KOVID 19, impaktu ekonomia sosial ba povu kiak, situasaun aktual iha ukrania, no preparasaun Timor Leste adere ba organizasaun mundial comercio no asean.
Relasiona ho vizita ba Nova Yorke iha semana ne’e, primeiru ministru Taur Matan Ruak haktuir, xefe estadu José Ramos Horta sei reprezenta estadu Timor Leste iha komunidade internasional.
Xefe estadu José Ramos Horta haktuir, nia parte sei aprezenta relatoriu ida ba komunidade internasional aborda konaba progresu desenvolvimentu iha rai laran, paz no seguransa, politika toleransia rekonsialisaun estadu Timor Leste.
(Domingos/Siso)
