Dili – Ekipa tekniku husi ministeriu justisa sei desloka ba municipiu hotu, iha teritoriu laran tomak hodi sukat propritáriu komunidade nian, atu hetan sertifikado nain ba rai.
Ministru justisa Tiago Amaral Sarmento hateten, ekipa sei desloka iha semana oin, hafoin autorizadu husi xefe governu atu ba iha terrenu hodi sukat komunidade sira nia rai ba faze dahuluk.
Tuir nia, objectivu husi sukat rai refere, atu fahe sertifikadu nain ba rai iha tinan ida ne’e.
Tuir planu governu sei lansa fahe sertifikadu ne’e iha rejiaun adminsitrativa especial Ambeno Oecusse iha loron 28 fulan novembru ne’ebe preside husi primeiru ministru,no iha municipiu manatuto preside husi xefe estado.
Xefe governu Taur Matan Ruak senti orgullu tanba durante tinan naruk ema okupa rai la iha nain ba rai.
Governu planea sei foti levantamentu dadus minimu uma kbi’it laek tolu,uma veteranus nian, hodi nune’e bele lansa iha fulan novembru hafoin ba komunidade sira seluk nian iha faze tuir mai.
(Domingos/Siso)
