Dili – Autoridade lokal apela ba membru arte marsiais labele utiliza atributu, iha fatin publiku.
Xefe suku Madohi Bernadino De Cristo hato’o asuntu ne’e, relasiona lei númeru 5/2017 bandu utiliza atributu arte marsiais iha fatin publiku.
Lideransa komunitariu ne’e apela ba membru arte marsiais no ritual iha nia suku Madohi, atu kria unidade, paz no sai hanesan forsa seguransa hodi kontribui ba estadu.
Xefe suku Lahane oriental Batista Trindade reforsa, lei bandu membro grupu arte marsiais utilija atributu iha fatin publiku.
Dau-daun ne’e, lider arte marsiais tolu hanesan PSHT, IKS-PTL no korka hasai ona desizaun atu hapara provizoriu atividade treinu.
(Manuel/Siso)
