Dili – Presidenti partido FRETILIN rekoinese, nia sai presidenti republika iha tinan 2017 to’o 2022 tamba hetan apoio husi Xanana Gusmão ho partido CNRT.
Francisco Guterres Lu-Olo informa, durante nia asume kna;ar nudar presidenti republika konta mos ho apoio husi partido CNRT nebe lidera husi Kayrala Xanana Gusmão.
Lu-Olo haktuir, iha tinan 2017 nia parte deside an ba kandidatu presidenti republika husi partido FRETILIN, maibe to’o eleisaun hetan apoio husi Xanana Gusmão to’o hetan votus maioria iha eleisaun presidensial.
Rekorda katak, presidenti partido FRETILIN Francisco Guterres Lu-Olo kandidata an ba presidenti repúblika iha tinan 2007 derota ho Jose Ramos Horta, enquanto iha tinan 2012 Lu-Olo kontinua kandidata an ba presidenti repúblika no derota ho Taur Matan Ruak.
Iha eleisaun presidensial tinan 2022 kandidatu presidenti republika Francisco Guterres Lu-Olo avansa ba segunda volta ho Jose Ramos Horta, maibe Francisco Guterres kontinua derota.
(Alau/Siso)
