Dili – Sarani katoliku Timor-Leste sente kontente ho prezensa sua eminensia Virgilio Cardeal Do Carmo Da Silva SDB, lori inspirasaun foun mai Timor.
Sarani catolika sente haksolok nudar sarani iha uma kreda Timor, neebe foin akontese ba dala uluk, hanesan istoriku importante iha Timor, tamba fiar nain sarani katolika iha Timor-Leste.
Sarani Jose Fernandes, sente agradese ba cardeal foun neebe mak oras ne’e iha ita leet, hanesan grasa ida husi Maromak, hodi halo sarani katolika sira besik liu tan ba nai.
Sarani Domingas Da Costa orgulho ho cardeal foun iha Timor, tamba liuhusi momentu ida nee sai hanesan espiritu foun, hodi lori foinsa’e sira ba futuru neebe nabilan iha uma kreda.
Sarani sira nia esperansa ba cardeal foun oinsa mak lori paz no dame ba Timor oan hotu.
Serimonia bensaun, hala’o iha igreja paroquia imaculada da konseisaun katedral Dili, segunda feira ne’e, iha oras tuku sanulu no misa agradesimento sei hala’o iha Tasi Tolu iha tuku hat lokraik.
(Ancha/Mery/Siso)
