Dili – Sosiedade sivil konsidera primeira vise prezidente parlamentu nasional Maria Angelina Sarmento utiliza patrimoniu estadu la tuir lei no regulamentu ne’ebe konsagra, iha Timor-Leste.
Koordenador asia justice and right-ajar Inocencio Xavier hato’o lamentasaun ne’e, relasiona ho primeira vise prezidente parlamentu, neebe haruka nia laen kaben mak lori kareta parlamentu nasional hodi ikus mai hetan dezastre.
Inocencio argumenta, tuir loloos lider no deputadu sira mak tenke sai exemplar ba povu.
Sorin seluk, diretor ezekutivu luta hamutuk Jose Da Costa Alves mos lamenta, ho vise prezidente parlamentu neebe la respeita regulamentu iha parlamentu nasional.
Vise presidente parlamentu nasional Maria Angelina Sarmento ho ninia familia halao viajen ho kareta estadu marka P.N 2, hala’o viajen ba laklubar no hetan asidente iha dalan, iha semana liuba.
(Bitu/Siso)
