Dili – Ajensia zamacaterel berhad group husi Brunei Darusalam sei investe industria, iha Timor Leste.
Embaixador Timor-Leste ba Brunei Darusalam, Abel Guterres informa, politika estadu nian hakarak loke kampu servisu barak ba timoroan iha rai laran no fo oportunidade ba timoroan ba servisu iha rai liur.
Tanba ne’e, estadu Timor Leste hahu dada ajensia husi nasaun brunei darusalam atu loke industria iha timor leste ba produsaun roupa, hotelaria no restaurante.
Alende ne’e, ajensia refere hakarak husu ba governu atu rekruta Timoroan ba servisu iha brunei darusalam.
Ajensia refere fo ona koñesimentu ba xefe estadu Jose Ramos Horta.
Alem de ne’e, ajensia sei koalia ho governu hodi hetan legalidade ba rekrutamentu traballador no diskute investimentu ba futuru iha Timor Leste.
(Manuel/Siso)
