Dili – Parlamento nasional kontinua ezize ba ministeriu obras publika, atu hadi’a estrada liga ba postu administrativu, tanba kondisaun ladiak.
Rezultadu fiskalijasaun foin lalais ne’e hatudu, estrada husi kapital sidade liga ba postu administrativu maioria ho kondisaun aat.
Deputada bankada PD Elvina De Sousa hato’o asuntu ne’e, iha plenaria parlamento nasional, iha quarta-feira ohin.
Tuir nia, kondisaun estrada aat difikulta movimentu sidadaun no difikulta transportasaun produtu lokal husi postu ba merkadu nasional.
Deputadu bankada CNRT Domingos Lemos ezije mos ba governu atu aproveita tempu bailoro ne’e, hodi hadia la-lais estrada sira husi munisipiu liga ba postu sira, antes udan monu rai.
Hatan ba preokupasaun ne’e, sekretariu estadu komunikasaun sosial, Mericio Akara informa, preokupasaun hirak ne’e nia parte rejista ona, hodi enkamiña ba ministeriu kompetente hodi tau atensaun.
(Bitu/Alau/Siso)
