Dili – Komite 12 novembru husu ba dirijente grupu arte marsial sira atu sensibiliza materia domin no dame ba membru sira.
Membru komite 12 novembru Pascoal Da Costa “Nehek” hato’o ezijensia ne’e, relasiona ho membru grupu arte marsial sira ne’ebe kontinua envolve konflitu, iha kapital Dili.
Mate restu 12 novembru argumenta, sensibilizasaun materia domin no dame mak bele muda mentalidade membru arte marsial sira.
Iha fatin hanesan Pedro De Oliveira “Raka” husu ba joventude sira atu banati tuir unidade husi jovens loriku aswa’in no joventude rezistensia iha tempu okupasaun ninian.
Dau-daun ne’e, komisaun reguladora arte marsial-kram hamutuk ho polisia nasional Timor-Leste kontinua halo sosializasaun kona-ba prevensaun konflitu.
(Bitu/Siso)
