Magazine RádiuNotisiasPortuguês

PR Husu Autoridade Protesaun Sivil Ajuda Timor Oan Wainhira Enfrenta Dezastre Naturais


Dili – Prezidente republika husu autoridade protesaun sivil ajuda timor oan wainhira enfrenta dezastre naturais.

Prezidente republika José Ramos Horta haktuir, nia sai sasin ba servisu protesaun sivil iha tinan 2019 no tinan 2021 ne’ebe lori timor oan barak sai vitima no lakon vida.

Maibe, servisu protesaun sivil halo esforsu hodi evakua sidadaun sira husi fatin risku ba fatin seguru.

Prezidente autoridade protesaun sivil superientendente polisia Ismael Da Costa Balo deklara, ekipa protesaun sivil preparadu atu responde ba dezastre ruma nebe akontese iha future.

iha tinan 2019, akontese insendiu boot iha munisipiu neen no afeta ba familia rihun tolu tenke lakon sira nia toos, uma no estraga mos enfra-estrutura estadu nian balu.

Iha tinan 2020 akontese inundasaun boot hodi afeta vitima ba familia rihun sanulu resin lima no iha tinan 2021, akontese tan inundasaun iha Timor-Leste hodi hamate Timor oan nain tolu nulu resin ida no familia vitima rihun lima nulu.

Husi dezastre naturais sia ne’e, halo estadu lakon osan milaun atus tolu lima nulu ba rezolve populasaun afetadu sira.

(Manuel/Siso)

Show More

Related Articles

Leave a Reply

Your email address will not be published.

Back to top button
error: !