Radio Televisaun Timor Leste

Radio no Televizaun Timor-Leste ( RTTL), nebe mak refere hanesan RTTL.ep nudar Instituisaun Publiku Transmisaun iha Timor-Leste, inisialmente harii husi  misaun ONU (Organisazaun Nasaun Unidas) iha Timor-Leste.

RTTL, Hahu nia kna’ar hodi sai hanesan sentru inforamasaun hodi transmite informasaun ba publiku ho naran Radio UNAMET (United Nation Mission in East Timor ) iha tempo 1999. UNAMET hanesan misaun UNO, nebe’e representa ONU iha Timor – Leste  iha 1999 hodi halo preparasaun ba Konsulta Popular ba  determinasauan futuru Nasaun Timor – Leste husi okupasaun Indonesia. Iha 2000 ONU habelar tan media komunikasaun hodi harii estasaun Televizaun Timor-Leste (TVTL)  iha loron 20 fulan Maiu 2002 hamutuk ho seremonia Restorasaun Proklamasaun Independensia Timor-Leste.

Iha Tinan 2002, liu husi Dekreto Lei UNTAET No. 06/2002  estabelese servisu Publiku  Radio Difuzaun Timor- Leste nebe hamahun naran Radio no Televisaun Timor Leste.

Iha Primeiro Governu Konstituante 20002, Radio Timor Leste no Televisazaun infrenta dezafiu oin-oin   tamba limitasaun orsamentu nebe mai husi Governu.

Iha tinan 2003, Primeiro Governu Konstitusional Alerta iha Regulamentu no iha Lei No.2/2003 kona ba kriasaun servisu Publiku Radio Difuzaun.

Iha 2008, Kuatro Governo Kontitusional hamosu Dekretu Lei Numero 42/2008 kona ba aprovasaun Radio ho Televizaun Timor Leste Empreza Publiku.( RTTL,ep)

Liuhusi dekretu Lei Numeru 42/2008 mak RTTL sai hanesan primeiro Empreza Publiku iha RDTL ho nia vizaun :” Lidera Televizaun Nasional no transmisaun Radio hodi Promove Unidade Nasional no Harmonia Sosial. Nudar transmisaun publiku, konfiansa no kreatividade sai nudar fundasaun ba ami servisu”.

Nudar Radio no Televizaun Estatal, RTTL,ep, transmisaun ne’e lori impaktu multidemensional iha kna’ar Radio no Televizaun nebe ba oin laos deit atendementu publiku maibe oinsa hatama reseita ba benefisiu Empresa ne’e rasik. Husi  Dekretu Lei ne’e mos hatur konaba estrutura institusaun publiku ho orgaun sosiais tolu mak hanesan :

  1. Konsellu Administrasaun
  2. Konsellu Opiniaun
  3. Konsellu Fiskal

Konsellu Administrasaun  sai hanesan Jestor ba RTTL,ep entertantu iha orgaun exekutivu iha dirasaun haat mak hanesan tuir mai :

Diresaun Informasaun no Actualidade

  1. Departamento Informasaun E Actualidade Radio
  2. Departamento Informasaun E Actualidade TV
  3. Departamento Plano E Agenda Informasaun Radio no TV
  4. Departamento Desporto

Diresaun Programasaun

  1. Departamento Programasaun E Produsaun Radio
  2. Departamento Progrmasaun No Produsaun TV
  3. Departamento Musika e Cultura
  4. Departamento Plano e Agenda
  5. Departamento Produsaun Externa

Diresaun Finansa no Administrasaun

  1. Departamento Finansas
  2. Departamento Logistiku
  3. Departamento Aprovizionamentu
  4. Departtamentu Marketing
  5. Departamentu Rekursu Humanus

Diresaun Apoio Tekniku

  1. Departamento Produsaun Studio
  2. Departamento Transmisor
  3. Departamento ICT(Informasaun, Communication No Technologia)

Ohin loron RTTL,ep iha trabalador hamutuk ema nain 197 hodi prensia programa diaria no konteudu lokal  husi munisipiu sira.

Radio no Televizaun  Timor-Leste aktualmente transmite ho oras 18 oras kada loron no ninia kobertura iha teritoriu Timor-Leste.