JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun Aldeia Waru-Ana-Atauro Sei Utiliza Liña Telekomunikasaun Husi Indonesia

Sidadaun Aldeia Waru-Ana-Atauro Sei Utiliza Liña Telekomunikasaun Husi Indonesia

Atauro – Tinan 19 ona, Timór-Leste hetan nia inpendénsia total, maibé sidadaun iha aldeia Waru-Ana, suku Bikeli, postu administrativu Atauro kontinua utiliza liña telekomunikasaun (kartaun sim husi telekomunikasaun Telekomecel iha indonézia) hodi komunika ho nia família, tanba sidadaun hirak ne’e la asesu ba liña telekomunikasaun operadór 3 (Timór-Telecom, Telkomcel no Telemor) ne’ebé eziste iha Timór.

Além de ne’e, sidadaun iha Waru-Ana mós seidauk asesu ba eletrisidade, tanba ne’e, sidadaun iha aldeia refere uza de’it lampariña iha tempu kalan.

Xefe suku Bikeli, Daniel Martins, konfirma, autoridade suku aprezenta ona proposta ba Autoridade Nasionál Komunikasaun, maibé seidauk iha resposta.

“Komunidade sira uza de’it sim card telkomcel husi Lira INDONÉZIA hodi halo komunikasaun” dehan Daniel.

Sidadaun aldeia Waru-Ana mós to’o agora la asesu ba Bee moos, tanba ne’e depende de’it ba udan been.

“Iha ne’e problema barak, maibé esensiál liu mak falta bee moos, komunidade seidauk asesu liña eletrisidade” autoridade ne’e lamenta.

Sorin seluk, primeiru ministru, Taur Matan Ruak, promete, governu tau ona prioridade tolu hanesan estrada, eletrisidade no Bee moos atu resolve.

Xefe governu argumenta, governu deside avansa fibra óptika hodi garante rede telekomunikasaun no rede internet di’ak iha Timór-Leste.

Tanba ne’e, governu sei loke konkursu ba empreza, nune’e  kompañia vensedór sei instala fibra óptika.

“Ha’u rekoñese problema ne’ebé sidadaun hasoru, prezidente repúblika rekomenda ba governu atu hadi’a estrada, eletrisidade no bee moos. Rede telekomunikasaun iha timór ne’e, rede ida mais lentu no karun tanba ne’e governu deside hodi avansa ho fibra ótika hodi fasilita rede internet” Taur promete

Entretantu, suku Bikeli kompostu husi aldeia Pala, Ilirua, Waruana no Liknamo ho total populasaun hamutuk 2.721.

Reportajen :Juvenal Da Silva (140621)

How do you react to this article?
Like
Love
Haha
Wow
Sad
Angry
You have reacted on "Sidadaun Aldeia Waru-Ana-Atauro Sei Utiliza Liñ..." A few seconds ago

Add to Comments Here!!!!

error: Content is protected !!