Governo Sei Sosa Produto Lokal Iha Postu Administrativu Luro (Radio)

Dili – Governo sei sosa produto lokal iha postu administrativu luro hodi distribui ba benefisiario iha municipiu Lautem.

Produtu lokal ne’e sei distribui liu husi programa cexta basika ne’ebe implementa iha pais ne’e.

Ministro agrikultura no peskas, Pedro Dos Reis ba RTTL iha sede suku Barikafa hateten, atu realiza distribuisaun cexta bazika iha munisipiu Lautem liu-liu posto ne’e rasik sei sosa produsaun aihan lokal hanesan talas ne’ebe koileta ona.

Governante ne’e husu ba komunidade iha munisipiu Lautem, atu kontinua dezenvolve diak liu tan aktividade hakiak ikan no kuda talas inklui aihan lokal sira seluk, nune’e bele redus importasaun ai han husi rai liur.

Tuir planu minsterio agrikultura no peskas sei nafatin buka meios oinsa bele lori povo sira nia produtu lokal hodi aseseu ba merkadoria inklui halo exportasaun ba rai liur.

(Julio/Emy/Siso)

How do you react to this article?

You have reacted on "Governo Sei Sosa Produto Lokal Iha Postu Admini..." A few seconds ago