Governu Halo Ona Transferensia Osan Ba BNCTL Hodi Halo Pagamentu Ba Família Reklamantes (Radio)

Dili – Governu halo ona transparensia osan ba banco BNCTL hodi halo pagamentu ba família reklamantes rihun rua resin, periodu estadu emerjencia.

Pozisaun ne’e, aprezenta segunda-feira ne’e, husi vice minitra financas Sara Lobo Brites iha palaciu do governu Dili hafoin aktualiza servisu ministeriu nian ba primeiru ministru Taur Matan Ruak.

Vice minitra Sara Lobo Brites hateten, iha tempu besik, ministra solidaridade sosial no inklusaun no ministerio administrasaun estatal sei halo pagamentu ba lista benefisiaros nebe seidauk simu subsidio.

Foin lalais ne’e, vice ministra solidaridade sosial no inklusaun Signi Sandrawati Verdial afirma, governu finaliza ona verifikasaun dados reklamentes hirak ne’e hodi públika iha lista pagamentu.

Tamba ne’e governu sei esforsu hodi tau matan ba família fulneravel sira, ne’ebé durante neé la hetan atensaun husi governu, no feto sira hetan violensia domestika.

(Domingos/Siso)

How do you react to this article?

You have reacted on "Governu Halo Ona Transferensia Osan Ba BNCTL Ho..." A few seconds ago