Lansamentu Rejistrasaun Ema Mate Iha Funu Laran Tuir Uma Lisan (Radio)

Aileu – Ministeriu ba assuntu kombatententes da libertasaun nasional, lansa ofisial prosesu rejistrasaun, ema ne’ebe mate iha funu laran tuir uma lisan.

Lansamentu ne’e hala’o iha Aissirimou Aileu segunda-feira semana ne’e.

Sekretariu estadu Gil Da Costa Oan Soru hateten, polítka ministeriu nian atu bele indentifika lolos familia matires sira, ne’ebe mate ba liberta rai ida ne’e nune’e governo bele iha dadus lolos hodi konstrui monumentu kada postu administrativu, hodi dignifika sira nia luta.

Ministru antigu kombatente da libertasaun nasionál, Júlio Sarmento “Meta Malik” reforsa katak, prosesu ne’e atu rejistu no indentifika sidadaun sira ne’ebe mate ba libertasaun ne’e ho lolos no husik historia lolos ba jerasaun foun.

Administrador munisipiu Aileu, João Tilman Do Rego konsidera ho lansamentu ne’e bele konfirma lolos sidadaun Timor ne’ebe lakon sira nia vida ba rai tamba sira nia sakrafisiu mak Timor Leste sai ona nasaun independente.

Hafoin lansamentu, governante nain rua intrega questinariu levantamentu dadus tuir uma lisan ba administrador postu sira, atu kuntinua halo levantamentu iha baze.

(Tome/Emy/Siso)

How do you react to this article?

You have reacted on "Lansamentu Rejistrasaun Ema Mate Iha Funu Laran..." A few seconds ago