Dili – Problema rede telekomunikasaun no kondisaun estrada ne’ebe at, difikulta servisu polisisa durante kampaña no eleisaun prezidensial.
Komandante jeral PNTL, komisariu polisia Faustino Da Costa hatoo preokupasaun ne’e, hafoin avália servisu PNTL iha periodo eleisaun presidensial.
Komisario Faustino deklara, PNTL prontu, assegura seguransa bainhira hakat ba eleisaun presidensial daruak.
Komisariu polisia ne’e argumenta, loron 15 fulan abril hanesan loron sexta-feira santa, tamba ne’e komandu munisipiu sira tenke jere membru sira ho diak, hodi koloka iha igreja no koloka ba kampaña segunda volta.
Antes ne’e, komandu jeral PNTL destaka ona membru polisia husi kuartel jeral PNTL, unidade espesial polisia, unidade polisia maritima no sentru formasaun polisia hamutuk efetivu atus rua hodi reforsa seguransa iha munisipiu sanulu resin 13 inklui RAEOA.
(Juvenal/Siso)
