Dili – Prezidente republika Jose Ramos Horta husu ona pedidu autorizasaun viagem ba parlamentu nasional.
Prezidente republika Jose Ramos Horta komfirma, depois simu investidura iha loron 20 fula maio, simu kedan konvite husi prezidente republika indonesia Joko Widodo atu vizita ba sira nia rai.
Tanba ne’e, xefe estadu husu ona pedidu autorizasaun ba parlamentu nasional atu autoriza ou lae ba viagem ba Indonesia.
Jose Ramos Horta komfirma, viagen ba Indonesia atu diskute konaba kooperasaun estadu rai rua nian iha dezenvolvimentu seitor ekonomia.
Maibé, foin lalais ne’e, prezidente parlamentu nasional Aniceto Guterres deklara ona katak, parlamentu nasional sei la autoriza prezidente republika José Ramos Horta viagen ba Indonesia.
(Manuel/Siso)
