Dili – Prezidente Republika husu ministru asuntus parlamentar no komunikasaun, dada fali keixa jornalista hatutan.com ne’ebe submete ba ministeriu publiku.
Prezidente republika, Jose Ramos Horta argumenta, tuir loloos ministru MAPKOMS Francisco Jeronimo labele keixa jornalista ba ministeriu publiku.
Rekorda katak, ministru asunstus parlamentar no komunikasaun, Francisco Jeronimo lori xefe redasaun media online hatutan.com Francisco Ximões Belo ba ministeriu publiku, tanba konsidera halo defamasaun ba nia privasidade.
Jornalista hatutan.com hakerek notisia konaba ministru asuntus parlamentar no komunikasaun nia envolvimentu ba projetu set-top box RTTL.
Iha loron 23 fulan maio 2022, ministru asuntu parlamenteres no komunikasaun sosial. keixa hasoru jornalista hatutan.com ho kazu denúncia kaluniosa ne’ebé previsto iha kódigo penál 285.
(Manuel/Siso)
