Dili – Komandu polísia munisípiu Díli detein joven ida, tamba lori tudik la’o iha tempu kalan.
Komandante polísia munisípiu Díli, superintendente xefe Henrique Da Costa Relata, joven ne’e, polísia identifika hafoin halo operasaun kalan, iha area Manleuana, fim de semana ne’e.
Polísia mos prende motorizadas hátnulu resin, ne’ebé laiha dokumentu no asesores motorizadas.
Komandu polísia munisípiu Díli nafatin hetan apoiu husi unidade espesial polisia, unidade polisia marítima, unidade patruilamentu fronteira hodi intensifika patruilamentu la’o ain ba fatin risku konflitu.
Dadaun ne’e, suspeitu kontinua detein hela iha sela polísia munisípiu Díli durante oras 72 hafoin submete ba primeiru interogatoriu iha tribunal distrital Dili.
Komandu polisia konsidera, área Beto, Bebonuk, Fatuhada no Comoro, fatin risku ba konflitu.
(Juvenal/Siso)
