Dili – Parlamentu Nasional husu governu atu buka solusaun hodi fasilita esutdantes nebe antes ne’e estuda iha Cina hodi fila hikas ba kontinua estudo.
Deputada Isabel Ximenes hateten, estudante hamutuk 115 governu lori fila mai Timor iha tempo pandemia COVID-19, maibe to’o agora seidauk fila ba kontinua sira nia estudo, maske pandemia COVID-19 la ejiste ona iha Cina.
Deputada bankada FRETELIN mudansa ne’e adianta katak, husi estudante 115 ne’ebe hala’o estudo iha Cina, maioria estudo besik finaliza ona, tamba ne’e presija trata sira nia dokumentus atu fasilita sira ba finaliza estudo.
Iha parte seluk deputado, Mariano Asanami Sabino husu governu atu halo atendimentu ho lais ba estudante sira ne’e, atu kontinua estudu hodi fila mai kontribui ba nasaun Timor Leste.
Antes ne’e iha tinan 2020, governu Timor Leste servisu hamutuk ho governu Cina hodi lori fila Timor oan hamutuk 115 husi Cina mai Timor Leste, tamba COVID-19 sa’e makas iha Cina.
(Alau/Emy)
