Dili – Governu lansa ona relatoriu voluntaria nasional ba ruak kona ba implementasaun objetivu desenvolvimentu sustentavel-ods ne’ebe Timor-Leste atinji ona.
Ministru presidencia konselu ministru Fidelis Leite Magalães hateten, tema ba lansamento ne’e maka, ema nudar sentru ba desenvolvimentu sustentavel katak, sei la husik ema ida iha kotuk, ne’ebe lao tuir governu nia preoridade politika sira.
Portavos governu ne’e argumenta, husi relatoriu daruak nian ne’e, atu reve fali progresu no dezafiu sira husi objetivu dezenvolvimento sustentavel.
Iha tinan 2022, governu Timor Leste konsidera katak, tempu to’o ona atu prepara relatoriu daruak tanba pais ne’e sai ona husi pandemia global kovid-19 no halo avaliasaun mediu prazu ba planu estratejika desenvolvimentu nasional.
Entertantu;rejultadu husi relatoriu daruak ne’e, sei aprezenta iha forum politika nivel as iha Nova Yorke iha fulan julio tinan 2023 hamutuk ho nasaun 42.
(Domingos/Siso)
