Dili – Lider artemarsiais tolu apela ba membro sira labele utiliza atributu artemarsiais iha fatin publiku.
Konselheiro IKS kera sakti Jacob Freitas hateten, maske iha ona regulamentu husi kram segunda diretiva, hodi reativa arte marsiais, maibe tenke tuir nafatin rekezitus ne’ebe presiza prienxe, tamba lei numero 5/ 2017 sei validu hodi kontrola arte marsiais sira.
Konselleiru persaudaraan setia hati terate-PSHT suku Bairro Pite, Max Mauberek hodi husu ba membro PSHT sira atu kumpri regulament kram.
Kordenador kork suku Manleuana Saturninho Soares deklara, bainhira membro kork nebe utiliza atributu iha fatin publiku sei hetan sansaun disiplinar husi organizasaun rasik.
Dadaun ne’e, membro artemarsiais balu hahu utiliza atributu artemarsiais iha fatin publiku sira, hafoin oitavo governu reativa organizasaun artemarsiais sira nia actividade hodi re-integra iha sosiedade.
(Ancha/Alau)
