Dili – Komandu jeral PNTL konfirma, kazu ema sivil lori kilat ameasa komunidade balun iha nasuta PNTL submete ona ba ministeriu publiku.
Komandante jeral PNTL, komisariu Faustino Da Costa konfirma, prosesu ba kazu refere, desizaun ikus tribunal maka iha kompetensia.
Komandu mos halo ona kordenasaun ho instituisaun relevantes balun ligadu ho kazu deskoinesidu utiliza kilat hodi asalta komunidade sira iha nasuta.
Kazu ne’e, akontese iha inisiu fulan maiu tinan ne’e, involve ema sivil lori kilat ameasa komunidade balun iha area Nasuta, postu administrativu Bazartete, munisipiu Liquiça hodi halo labarik balun sai vitima no trauma ba aktu husi deskoinesidu hirak ne’e.
Dadaun ne’e, komandu PNTL instala ona postu vizilansia ida iha area Nasuta hodi asegura situasaun siguransa ba komunidade sira.
(Juvenal/Siso)
