Lere Husu Governu Atu Foti Medida Todan Hasoru Ema Ne’ebe Halo Ligasaun Internet Ilegal (Radio)

Dili – Maijor jeneral lere anan timur husu estadu no governu atu foti medida todan, hasoru sidadaun estranjeiru sira ne’ebe halo ligasaun internet ilegal iha Timor Leste.

Pedidu ne’e, hato’o husi, xefi estadu maior jeneral forsa armada maijor jeneral Lere Anan Timur, hafoin partesipa iha komemorasaun loron proklamasaun 28 novembru ba dala 45, iha munisipiu Liquiça, fim de semana.

Maijor jeneral Lere Anan Timur konsidera, sidadaun esranjeiru hirak ne’e halo traisaun ba estadu Timor Leste, tamba estadu lakon osan barak hodi selu ba ligasaun internet ilegal sira.

Tamba ne’e, governu tenki foti medidas ne’ebe todan hodi aplika ba sidadaun hirak ne’e.

Dadaun ne’e, diretor elite komputer inisial DP ho diretor CEO Telemor inisial TB kumpri ona prizaun preventiva iha prizaun bekora, hodi fasilita ministeriu publiku halo investigasaun ba arguidu sira.

(Juvenal/Siso)

How do you react to this article?

You have reacted on "Lere Husu Governu Atu Foti Medida Todan Hasoru ..." A few seconds ago