Lere Pronto Simu Promosaun Diviza Ba Tenente Jeneral (Radio)

Dili – Maijor jeneral Lere Anan Timur pronto, simu promosaun diviza ba tenente jeneral.

Prontidaun ne’e, hato’o husi, xefi estadu maior jeneral forsa armada maijor jeneral Lere Anan Timur, iha komemorasaun loron proklamasaun 28 novembru, iha munisipiu liquiça fim de semana.

Maijor jeneral Lere Anan Timur hateten, laiha dúvida atu simu diviza ba tenente jeneral, hodi kontinua lidera F-FDTL, maske efektivu forsa aramda Timor Leste seidauk sufisiente.

Antes ne’e, liu husi reuniaun konsellu ministru, governu promove ona major jeneral Lere Anan Timur ba tenente jeneral, brigadeiru jeneral Domingos Raul Falur Rate Laek ba major jeneral, coronel Calistro Dos Santos Coliati ba brigadeiru jeneral no kapitaun de mar e guerra Donaciano Da Costa Gomes Pedro Klamar Fuik ba komodoru.

(Juvenal/Siso)

How do you react to this article?

You have reacted on "Lere Pronto Simu Promosaun Diviza Ba Tenente Je..." A few seconds ago