SIK Tesi Kotu Fiu Ligasaun Internet Ilegal Husi Elit Computer (Radio)

Dili – Policia Nasional Timor Leste, liu husi servisu investigasaun kriminal nasional, tesi kotu rede koneksaun internet husi kompaña elite computer, iha diresaun Kolmera Dili, tersa-feira ne’e.

Razaun tesi kotu rede koneksaun internet husi Elit Komputer tanba fornese internet ilegal ba kompaña telekomunikasaun Telemor ho liñas ministériu sira.

Servisu investigasaun krimkinal rekolla hotu ona dadus no naran liña ministériu sira ne’ebé durante ne’e halo kontratu servisu ho kompaña.

SIK nasional prende mos dokumentu importante sira, inklui materiál hanesan, data center, laptop, komputador no sasán evidensia seluk.

Tuir dadus, liñas ministériais sira ne’ebé halo kontratu ba ligasaun internet maka hanesan, ministériu administrasaun estatál, inspetór jerál estadu inklui komandu jeral PNTL ne’ebé halo koneksaun ba rede internet CCVT, iha kapitál Dili no postu integradu sira iha fronteira terrestre.

Hafoin halo buska no tesi kotu fiu ligasaun internet refere, ekipa kontinua ba tesi kotu fiu intenet ne’ebe sentraliza iha fronteira batugade, munisipiu Bobonaro.

Prosesu investigasaun refere, lidera hosi komandante SIK nasional superintendente xefe José Maria Neto Moc ho ekipa IT timoroan sira envolve direita ho diretór Elite Computer inisial DP hodi identifika rede koneksaun internet illegal.

(Juvenal/Siso)

How do you react to this article?

You have reacted on "SIK Tesi Kotu Fiu Ligasaun Internet Ilegal Husi..." A few seconds ago