Dili – Governu aprova estabelesimentu sekretáriu estadu komunidade Timor oan iha rai li’ur.
Aprovasaun ne’e, atu altera ba dekretu-lei númeru 14 bara 2018 loron 17 fulan-agostu, ho objetivu atu inklui iha kompozisaun governu konstitusionál daualu, sekretáriu estadu komunidade timoroan iha rai-li’ur.
Porta voz governu aktual ministru presidencia konsellu ministru Fidelis Leite Magalhens esplika, kriasaun sekretáriu estadu komunidade Timor oan iha rai-li’ur sei tutela iha primeiro ministro nia okos.
Maibé provisoriamente seidauk hili nia sekretaria estadu foun ba asuntu traballador iha diaspora.
Komposizasaun servisu sekretaria estadu ba asuntu traballador iha diaspora maka hanesan, atu hametin lasu amizade entre pais sira no resolve nesesidade traballador bainhira enfrenta problema.
Aleinde ne’e, alterasaun daruak ba dekretu-lei nu.20/2019, loron 31 fulan-jullu, kona-ba orgánika ministériu negósiu estranjeiru no kooperasaun, ho forma atu garante armonizasaun ida-ne’e ho lei orgánika governu nian.
(Domingos/Siso)
