JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komisária Nasional Direitu Labarik Avalia, Labarik Sai Vítima Ba Implementasaun Serka Sanitaria

Komisária Nasional Direitu Labarik Avalia, Labarik Sai Vítima Ba Implementasaun Serka Sanitaria

Dili – Relasiona ho pandemia corona virus ne’ebé alastra ba mundu tomak, inklui Timór-Leste; governu Timór-Leste deside implementa estadu emerjénsia no serka sanitaria.

Durante serka sanitaria, sidadaun labele sai husi munisipiu ida ba munisipiu seluk ho objetivu atu labele da’et moras ba ema seluk. Iha kapitál Dili, atividade ekonómika labele la’o, maioria paradu.

Iha implementasaun serka sanitaria ne’e, Komisária Nasionál Direitu Labarik, Dinora Granadeira, avalia labarik nia direitu violadu iha periodu serka sanitaria.

“iha implementasaun serka sanitaria ne’e, kuaze labarik barak mak sai vítima tanba afeta husi inan aman sira la servisu, entaun la hakonu direitu alimentasaun” dehan komisáriu.

Komisária Nasionál Direitu Labarik, fundamenta, situasaun ne’e akontese hafoin Timór-Leste adopta estadu emerjénsia no serka sanitaria.

“labarik sira kuaze la asesu ba edukasaun, la goza nia direitu hanesan labarik, tanba aplikasaun serka sanitaria ne’e limita sidadaun hotu nia direitu inklui labarik sira nia direitu” nia argumenta.

Dinora Granadeira husu inan aman atu labele haruka labarik ho idade menór hodi ba fa’an sasán tuir dalan ninin no merkadu sira.

Reportajen : Julião Pinto  (170521)

How do you react to this article?
Like
Love
Haha
Wow
Sad
Angry
You have reacted on "Komisária Nasional Direitu Labarik Avalia, Laba..." A few seconds ago

Add to Comments Here!!!!

error: Content is protected !!