JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kilat Tarutu Iha Mascariñas, Joven Na’in Rua Hetan Kanek Todan

Kilat Tarutu Iha Mascariñas, Joven Na’in Rua Hetan Kanek Todan

DiliJoven na’in rua sofre kanek grave (todan) iha parte kelen no kotuk laran hafoin membru polísia nasionál nia kilat tarutu iha atuasaun polísia durante konfrontu entre grupu joven ne’ebé akontese iha suku Maskariñas.

Vítima, Domingos Valdo dos Santos, hateten, bainhira sira tenta salva, nia maluk ne’ebé joven husi área Maskariñas kaer no halo agresaun, derrepente polísia ida uza pistola hodi tiru direta ba joven sira.

Hafoin kilat tarutu, Domingos Valdo dos Santos, dehan “nia sofre kanek iha kotuk laran no nia maluk  Pauleta de Jesus mós hetan kanek iha parte kelen karuk”.

“Grupu joven mai dada ami nia kolega no pratika agresaun fízika, entaun ami ho brani tuda hasoru, polísia la tiru joven ne’ebé mai ho arma branca, maibé tiru fali ami ne’ebé ajuda kolega ne’e” vítima Domingos Valdo dos Santos, konta.

Reprezentante família vítima, Olga de Jesus, la satisfás ho atuasaun oknum polísia ne’ebé la halo atuasaun ba joven husi Maskarriñas ne’ebé uza aramas branca hodi asaltu joven sira iha husi área Caicoli, aldeia 04.

Olga de Jesus argumenta, loloos ne’e polísia nia prezensa ne’e atu asegura situasaun, maibé polísia “tiru de’it ami nia joven iha área Caicoli, Maskariñas ne’e polísia husik tiha, la tiru”.

Relasiona ho kazu ne’e, komandante jerál PNTL, komisáriu, Faustino da Costa, konfirma, ekipa investigadór sira, halo hela investigasaun ba kazu ne’ebé akontese iha área Maskariñas.

“Kona-ba kazu iha Maskariñas polísia sei halo hela investigasaun” dehan komandante polísia ne’e.

Reportajen: Juvenal da Costa

How do you react to this article?
Like
Love
Haha
Wow
Sad
Angry
You have reacted on "Kilat Tarutu Iha Mascariñas, Joven Na’in Rua He..." A few seconds ago

Add to Comments Here!!!!

error: Content is protected !!