JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deputadu KHUNTO kestiona médiku balun la simu vasina, Dra. Odete : Vasina La’os Obrigatóriu

Deputadu KHUNTO kestiona médiku balun la simu vasina, Dra. Odete : Vasina La’os Obrigatóriu

Dili – pesoál liña-frente balun simu tiha ona vasinasaun Astrazeneka, enkuantu balun to’o agora seidauk simu ai-moruk ne’ebé oferese husi governu australianu ne’e.

Ho razaun ne’e, durante diskusaun ba pedidu estensaun estadu emerjénsia ba dala 13 iha parlamentu nasionál, Deputadu bankada Kmanek Haburas Unidade Nasionál Timoroam (KHUNTO), Luis Roberto, hato’o nia preokupasaun ba ekipa Sentru Integradu Jestaun  Krize, katak nia sente preokupadu ho médiku balun ne’ebé konsideradu liña-frente maibé seidauk simu vasina Astrazeneka.

“ Ha’u rona, ita nia ema sira servisu iha liña-frente (médiku) sira dúvida atu simu vasinasaun ne’e, entaun oinsá fó garantia ba ita povu atu simu vasina. Loloos ne’e médiku sira obrigatóriu tenke simu vasina hotu. Se primeira liña mak ta’uk ona, sá tan povu” reprezentante ne’e dúvida.

Maske nune’e, Luis Roberto, husu nafatin ba médiku hodi disemina vantajen husi ai-moruk Astrazeneka ba sidadaun, nune’e sidadaun konvensidu ba simu vasina hodi hasa’e Imunidade isin.

“Ha’u dezafia nafatin ba ekipa sentru integradu jestaun krize hodi halo diseminasaun ba ita nia povu” Luis dezafia.

Hatán ba ejijénsia ne’e, adjunta Sentru Integradu Jestaun Krize, Odete da Silva Viegas klarifika, vasina Astrazeneka la’ós obrigatóriu tanba ne’e ema ida-idak iha direitu atu simu ka rezeita.

Odete Viegas argumenta, ekipa liña-frente la’ós de’it profesionais saúde maibé kompostu husi defeza no seguransa hanesan (Falentil-Forsa Defeza Timór-Leste, Polísia Nasionál Timór-Lorosa’e, Alfándega, Bombeiru no Imigrasaun).

“La’ós médiku sira de’it mak rejeita vasina ne’e maibé profesionais liña-frente balun mós la simu tanba vasina ne’e la’ós obrigatóriu” Odete Viegas defende.

Odete mós rekoñese diseminasaun ne’e seidauk abranje ba sidadaun hotu, tanba ne’e nia husu ba parte hotu iha entidade estadu atu fahe informasaun ba públiku hodi konvense povu hodi simu vasina Astrazeneka.

Entretantu, sidadaun hamutuk rihun-rua-nulu-resin-hitu, mak simu ona vasina Astrazeneka.

Tempu besik ekipa saúde sei termina vasina ba primeira faze no hein apoiu vasina rihun hitu-nulu ne’ebé parseiru internasionál atu apoia iha tempu besik.

Reportajen : Manuel Gusmão (280421)

How do you react to this article?
Like
Love
Haha
Wow
Sad
Angry
You have reacted on "Deputadu KHUNTO kestiona médiku balun la simu v..." A few seconds ago

Add to Comments Here!!!!

error: Content is protected !!