JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Semitériu Metinaru Ba Ema Hotu, La’ós Ba De’it Vítima Covid

Semitériu Metinaru Ba Ema Hotu, La’ós Ba De’it Vítima Covid

Dili – Semitériu iha área Metinaru ne’ebé governu deside atu substitui semitériu públiku Becuse sai polemika tanba sidadaun balun rejeita atu hakoi familia ne’ebé indetifikadu mate tanba covid.

Antes ne’e governu deside matebian ida hakoi ona iha semitériu Metinaru, maibé hakoi la hó dignu tanba escavador mak kee rai no kaixaun tara iha escavadorhodi hatún ba rai.

Pratika hakoi ne’e, família matebian kritika governu tanba hakoi nia inan, Fransisca Gama, la tuir kultura Timor nian.

Hafoin tékniku Sentru Integradu Jestaun Krize (SIJK) hakoi mate isin semitériu Metinaru, semitériu ne’e rasik carimbadoona (sudah di cap) katak, semitériu ne’e prepara ba sidadaun ne’ebé mate tanba corona virus.

Maibé,koordenadór semitériu iha Dili, Inocencio da Silva, esplika, fatin semitériu Metinaro hanesan fatin alternativa  hodi substitui semitériu Becusse ne’ebé espasu la sufisiente ona hodi

haloot mate isin.

Tuir koordenadór semitériu ninia previzaun, “espasu iha semitériu Becusse sei garante to’o de’it tinan 2022”.

“Rate Becusse ne’e kuaze nakonu, tanba ne’e mak estadu ne’e tenke hanoin oinsá para uza fali rate foun Metinaro ne’e ” Inocencio argumenta.

Sorin seluk, Prezidente Autoridade Munisípiu Dili, Gaspar Soares,hateten, governu identifika ona semitériu foun iha área Metinaro ho nia luan ektare 16.

Fatin identifikadu ne’e bele utiliza espasu balun hodi hakoi sidadaun ne’ebé mate tanba corona virus, bainhira governu deside.

“Husi rai hektares16 iha Metinaru, governu bele utiliza sorin balu ba fatin hakoi mate isin ne’ebé mate tanba covid-19, maibé depende ba desizaun governu” dehan Gaspar Soares.

 Reportajen :  Julião Pinto (230421)

How do you react to this article?
Like
Love
Haha
Wow
Sad
Angry
You have reacted on "Semitériu Metinaru Ba Ema Hotu, La’ós Ba De’it ..." A few seconds ago

Add to Comments Here!!!!

error: Content is protected !!