JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Labarik Iha Dili, Besik 2.000 Hetan Moras, Hafoin Inundasaun

Labarik Iha Dili, Besik 2.000 Hetan Moras, Hafoin Inundasaun

Dili – Tuir dadus husi Ministériu Solidariedade Sosiál no Inkluzaun ne’ebé asesu husi Komisaun Nasionál Direitu Labarik, labarik hamutuk rihun-rua (2.000) mak hetan moras tanba impaktu husi inundasaun ne’ebé akontese iha loron 04 fulan Abríl 2021.

Komisária Komisaun Nasionál Direitu Labarik, Dinora Granadeira, konfirma, labarik sira vítima inundasaun hetan moras tanba hela iha fatin evakuasaun hamutuk 23 iha kapitál ne’ebé mak la seguru.

“Dadus ne’ebé mak ita hetan husi MSSI (Ministériu Solidariedade Sosiál no Inkluzaun) tanba ita servisu hamutuk, labarik hamutuk, rihun-ida atus-sia (1.900) mak hela iha fatin deslokadu, iha Dili too Hera, dadus ne’e rejista iha Dili de’it la inklui munisípiu” dehan Dinora.

Ezekutivu ne’e subliña, Komisaun Nasionál Direitu Labarik servisu hamutuk ho UNICEF fó ona apoiu, maibé komissaria ne’e dehan “labarik lakon nia direitu tanba hela iha espasu kloot, entaun  la goza nia direitu hanesan, halimar” no direitu seluk ne’ebé lei prevé.

Komisaun Nasionál Direitu Labarik, kompromete, sei koopera ho UNICEF hodi ajuda labarik sira ne’ebé maka sei kontinua hela iha fatin evakuasaun.

Reportajen : Cipriano Martisn (200421)

How do you react to this article?
Like
Love
Haha
Wow
Sad
Angry
You have reacted on "Labarik Iha Dili, Besik 2.000 Hetan Moras, Hafo..." A few seconds ago

Add to Comments Here!!!!

error: Content is protected !!