JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL Covalima Detén Ona Suspeitu Ne’ebe Pratika Agresaun Hasoru Mediku

PNTL Covalima Detén Ona Suspeitu Ne’ebe Pratika Agresaun Hasoru Mediku

Dili – Komandu polísia munisípiu Covalima, detén ona suspeitu ne’ebé halo agresaun fízika hasoru médiku ida iha kuarentena aeroportu Suai, iha loron 19 fulan Abríl.

Portavós komandu jerál PNTL, Superintendente Xefe, Arnaldo de Araujo, konta kronolojia katak, akontesimentu ne’e, akontese hafoin ekipa saúde atu evakua pasiente ida ne’ebé pozitivu corona virus, iha kuarantena aeroportu Suai, iha loron segunda-feira.

Tuir relatóriu ne’ebé portavós komandu fó sai katak, pasiente corona virus ho nia kolega hala’o asaun protesta hasoru ekipa saúde hodi baku rahun vidru, no vidru rahun mak ko’a kanek médiku nia hasan parte karuk.

Hafoin agresaun ne’e, polísia munisípiu Covalima halo atuasaun imediata hodi kaptura suspeitu na’in ida, Arnaldo de Araujo, dehan “suspeitu na’in ida detén ona iha sela no submete ona ba investigasaun”.

Portavos komandu polísia ne’e, nafatin apela ba sidadaun atu kumpre regras ne’ebé ministériu saúde fó sai.

Sorin seluk, komandu polísia munisipiu Covalima deklara, sei kontinua investiga no prosesa autór ne’ebé halo asaun brutalismu hasoru ekipa saúde.

Reportajen : Juvenal da Silva (200421)

How do you react to this article?
Like
Love
Haha
Wow
Sad
Angry
You have reacted on "PNTL Covalima Detén Ona Suspeitu Ne’ebe P..." A few seconds ago

Add to Comments Here!!!!

error: Content is protected !!