JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Ho Família Ezije Lori Fila Mate-Isin, Rui Araujo : Matebian Konfirmadu Pozitivu COVID

Xanana Ho Família Ezije Lori Fila Mate-Isin, Rui Araujo : Matebian Konfirmadu Pozitivu COVID

Dili – Matebian Armindo Borges, husi munisípiu Ermera konfirmadu mate, iha loron Domingo kalan hafoin lori ba Hospital Nasional Guido Valadares Dili.

Familia matebian, Abel Sarmento, fo sasin katak, matebian sofre moras-fuan (ataca cardiaco) tanba ne’e família deside lori ba Ospital Nasional hodi hetan tratamentu, maibé matebian “hakotu iis bainhira ekipa Covid transporta vítima ba sala izolamentu Vera-Cruz” iha loron 11 fulan Abríl, kalan.

Raul Pertoriano dos Santos, oan husi matebian, rezeita hakoi matebian iha semitériu ne’ebé governu deside hakoi sidadaun ne’ebé konfirmadu mate tanba kauza husi moras corona, tanba ne’e família matebian halo asaun protestu hasoru professional saúde iha sala izolamentu Vera-cruz hodi ezije atu fó mate isin ba familia hodi hakoi tuir kultura.

“Ami la konkorda ho desizaun husi Sentru Itegradu Jestaun Krize atu hakoi ami nia aman iha Metinaro (fatin hakoi vítima covid)”. Raul Pertoriano, rejeita.

Durante asaun protesta ne’e, eis-prezidente, Kay Rala Xanana Gusmão, hamutuk ho família matebian hodi ezije profisionál saúde hodi fó fila mate-isin, Armindo Borges, ba família hodi ba hakoi tuir kultura.

Hafoin Armindo Borges hakotu iis, Xanana dehan, família matebian ba tanis iha nia rezidénsia iha Licidere hodi husu lider nasionál ne’e atu akompaña ba sala izolamentu Vera-Cruz hodi lori fila mate isin ba matebian nia uma.

Xanana argumenta, nia la fiar pasiente hakotu iis tanba corona-virus, Xanana dehan “ha’u kompriende katak corona virus ne’e transmisivel (da’et) maibé pasiente moras kleur iha uma de’it, la sai ba fatin ida, ema sira hela ho pasiente la pozitivu maibé pasiente ne’e pozitivu fali ne’e hetan husi ne’ebé?”.

Sorin seluk, Koordenadór Jerál Forsa Tarefa Prevensaun no Mitigasaun Surtu Covid-19, Rui Maria de Araujo, defende, pasiente ne’ebé hakotu iis ne’e “konfirmadu pozitivu corona virus”.

“Médiku halo teste Covid bainhira pasiente to’o iha ospitál, nia rezultadu pozitivu” Rui informa.

“Molok transporta pasiente ba izolamentu Vera-cruz médiku foti mós amostra família pasiente na’in 3, maibé família na’in rua hatudu rezultadu pozitivu (sofre moras corona) , entaun na’in haat hela iha uma ida, nia rezultadu teste hatudu na’in 3 pozitivu (inklui matebian)”. Dehan Rui.

Pasiente ho tinan 46, mate iha loron 11 fulan Abríl 2021, kalan, nia família ezije atu hakoi tuir prosesu tradisionál  maibé Rui Araujo dehan “ tenke lori ba hakoi iha fatin espesífiku, atu nune’e labele hamosu risku ba família no ema sira ne’ebé partisipa iha prosesu funeral tradisionál”.

Ekipa Forsa Tarefa Prevensaun no Mitigasaun Surtu Covid-19, tenta lori sai mate isin husi sala izolamentu ba hakoi iha Metinaro, maibé familia ho Xanana gusmão la fó fatin, nune’e mate isin-oras ne’e dadaun ne’e (oras 05:23 Otl) mate isin sei iha sala izolamentu Vera-cruz, Dili.

Reportajen : Quika Araujo (120421)

How do you react to this article?
Like
Love
Haha
Wow
Sad
Angry
You have reacted on "Xanana Ho Família Ezije Lori Fila Mate-Isin, Ru..." A few seconds ago

Add to Comments Here!!!!

error: Content is protected !!