JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Refujiadus Inan Isin-Rua No Labarik Iha Tasi-Tolu Halerik Ba Asistensia Saúde

Refujiadus Inan Isin-Rua No Labarik Iha Tasi-Tolu Halerik Ba Asistensia Saúde

Dili – Vítima inundasaun iha Tasi-Tolu ne’ebé refujia husi sira nia hela fatin ba  igreja Nossa Senhora de Graça Tasi-Tolu, hahú husi loron 4 fulan Abríl to’o ohin loron, seidauk hetan asisténsia saúde husi médiku sira.

Tanba ne’e vítima sira husu ba médiku sira atu tun ba sira nia fatin hodi fó asisténsia saúde ba labarik, inan-isin rua no ferik ho katuas sira ne’ebé moras tanba impaktu husi inundasaun. Vítima  Agustina de Araujo, dehan “to’o agora seidauk iha ekipa médiku ruma maka fó asisténsia saúde ba ami urante hela iha fatin refujiadu”.

Iha fatin hanesan, abitante Jose de Araujo Gonsalves, hatete, nia parte husu ona ajuda ba Centro Saúde Comoro atu tun ba fatin refujiadu hodi fó asisténsia médiku ba vítima sira, maibé nia dehan “to’o agora seidauk iha resposta husi parte relevante”.

“Saúde ne’e importante, hau rasik koalia ona ho sira (mediku) iha sentru maibe to’o agora médiku seidauk mai, hein katak liu husi media, médiku sira bele mai” dehan nia.

Refujiadu sira mós la asesu ba bee moos hodi uza ba nesesidade loroloron, tanba ne’e abitate, Olga dos Santos,  husu ba governu atu fasilita be’e mos tanba tuir nia “bee moos ne’e important hodi fase liman atu garante saúde, tanba oras ne’e bee mos la iha no iha mak be meer no merak”.

Komunidade ne’ebé refujia iha igreja Tasi-tolu, hamutuk uma kain 60, to’o agora labele fila ba sira nia hela fatin tanba lagoa Tasi-tolu nakonu hodi hoban sira nia hela fatin.

Tuir informasaun husi rezidente sira katak, lagoa ne’e presiza fulan tolu to’o hat mak foin Bee bele menus hodi bele fó biban ba sira hodi hela fali iha sira nia uma, tanba ne’e vítima sira husu ba governu atu prepara fatin ne’ebé seguru ba sira hodi hela provizóriu.

Antes ne’e, deputadu bankada PUUDE-Antonio Benevides, husu ba ministériu saúde atu orienta médiku sira tun ba terrenu hodi fó asisténsia saúde ba vítima ne’ebé moras kauza husi inundasaun ne’ebé akonte Domingo foin lalais ne’e.

Reportajen : Laurindo Raja Haba (090421)

How do you react to this article?
Like
Love
Haha
Wow
Sad
Angry
You have reacted on "Refujiadus Inan Isin-Rua No Labarik Iha Tasi-To..." A few seconds ago

Add to Comments Here!!!!

error: Content is protected !!