JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsellu Ministru Autoriza Atividade Negósiu No Sirkulasaun Transporte Públiku Iha Dili

Konsellu Ministru Autoriza Atividade Negósiu No Sirkulasaun Transporte Públiku Iha Dili

Dili – Konsellu-ministru diskute no deside loke fali atividade negósiu no sirkulasaun transporte públiku iha kapitál Dili.

Antes ne’e governu deside, sidadaun labele sai husi hela fatin ba konsentra iha fatin públiku, transporte no atividade negósiu mós paradu total, maibé impozisaun (obrigasaun) ne’e muda tiha ona iha konsellu-ministru, kinta-feira horiseik, nune’e sidadaun bele hala’o atividade negósiu hanesan baibain.

Maske konsellu ministru halo ona revizaun ba regra serka sanitaria, maibé nafatin la autoriza, atividade edukasionál (eskola), festa kulturál, desportu no atividade relijiozu.

Ministru Prezidénsia Konsellu Ministru, Fidelis Leite Magalhães, hatete, “sirkulasaun transporte no atividade negósiu iha kapitál de’it, maibé sidadaun kontinua kumpre regra Organizasaun Mundiál Saúde”, enkuantu sidadaun ne’ebé iha nesesidade atu sai husi kapitál ba munisipiu, Fidelis dehan “tenke hetan karta autorizasaun husi Sentru Intergradu Jestau Krize”.

“Dezisaun ne’e regula no bandu sirkulasaun ema ba municipio sira seluk,exeptu iha kazu fundamentu forte hanesan segurança-pública,saúde-pública, asistensia humanitária no manutensaun husi sistema ba abastesimentoba publika” Fidelis konklui.

Ministru Prezidensia Konsellu Ministru mós informa, serka sanitária iha munisípiu Baucau no Viqueque aumnta tan ba loron hitu, ne’ebé hahú iha loron 09 fulan Abríl no sei termina iha loron 16 fulan Abríl.

Reportajen : Domingos Trindade (090421)

How do you react to this article?
Like
Love
Haha
Wow
Sad
Angry
You have reacted on "Konsellu Ministru Autoriza Atividade Negósiu No..." A few seconds ago

Add to Comments Here!!!!

error: Content is protected !!