JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xefe Estadu Apoiu Medidas Governu Hodi Rekupera Vítima Inundasaun

Xefe Estadu Apoiu Medidas Governu Hodi Rekupera Vítima Inundasaun

Dili – Xefe-Estadu Francisco Guterres Luolo, apoiu medidas governu hodi  rekopera fali populasaun ne’ebé afetadu ba inundasaun ne’ebe akontese iha loron 4 fulan Abríl, foin lalais ne’e.

Presidente-repúblika, hato’o nia pozisaun ne’e hafoin audiénsia ho Primeiru-ministru ho nia vice na’in rua iha rezidénsia prezidente-repúblika iha Faról, Quinta-feira, 080421.

Sidadaun barak lakon nia sasán no balun lakon vida tanba ne’e, Lu-olo dehan “ba refujiadu sira, governu hola desizaun ruma par bele hakmaan sira (refujiadu) nia moris iha fatin konsentrasaun, levantamentu de dadus para atu rekupera fali refujiadu nia moris”.

Sorin seluk, primeiru-ministru, Taur Matan Ruak, konfirma dadaun ne’e governu preve ona orsamentu ratifikativu “kuaze millaun 200 resin”  hodi atende ba kovid-19 no  rekuperasaun ekonomia no sosial.

 Dadus detallus kada munisípiu no tipu dezastre:

Munisípiu Ainaro : ema na’in 10 mak mate, na’in 5 hetan ona no na’in 5 seluk sei iha prosesu buka tuir. Dezastre ne’e akontese iha área Maubise, Aitutu no Airalau. Tipu dezastre ne’ebé mosu, erosaun (rai halai) no inundasaun (Bee sa’e)

Munisípiu Aileu, mota lori ema na’in 2 iha área Lauralara – fatisi no Remexio Asulau, vítima na’in 2, to’o agora sei iha prosesu buka tuir.

Munisípiu Mantuto, mota Laclo lori ema na’in 5 iha área  Laclo, na’in ida (1)  hetan ona ho kondisaun mate, no nain haat (4) seluk sei iha prosesu buka tuir.

Munisípiu Díli, total mate hamutuk 22. Bee lori ema nain haat (4) iha suku Hera Postu Administrárea Cirsto-Rei, mate isin nain tolu (3) hetan tiha ona, ekuantu nain ida (1) sei iha prosesu buka tuir.

Ema ida (1) mate iha suku Villa-Verde Postu Administrativu Vera-Cruz, autoridade hetan ona nia mate isin.

Iha suku Comoro postu administrativu, Dom Aleixo, sidadaun nain haat (4) mak mate, autoridade hetan tiha ona nain tolu, nain ida (1) seidauk hetan.

Area Malinamuk, suku Comoro, Postu Administrativu Dom-Aleixo, nain ida (1) mate tanba rai halai. Aldeia Moris foun, suku Comoro, mate nain lima (5) tanba mota lori, autoridade identidikadu hotu ona.

Área Beduku, Comoro na’in 7 mate, husi total mate ne’e, na’in 6 hetan tiha ona no na’in ida (1) sei lakon tanba kauza husi rai-halai.

Reportajen : Domingos Trindade (080421)

How do you react to this article?
Like
Love
Haha
Wow
Sad
Angry
You have reacted on "Xefe Estadu Apoiu Medidas Governu Hodi Rekupera..." A few seconds ago

Add to Comments Here!!!!

error: Content is protected !!