JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Conoco, Alkatiri Bele Sai Arguidu, Bainhira Xanana Kontra Keixa

Kazu Conoco, Alkatiri Bele Sai Arguidu, Bainhira Xanana Kontra Keixa

Dili – Sekretáriu Jerál Partidu Fretilin, Marí Bin Amude Alkatiri, daudaun ne’e nia konstituisaun (kualidade) hanesan keixozu tanba nia hato’o keixa ba Ministériu-Públiku kontra deputadu partidu Conselho Nasionál Reconstrução Timorense (CNRT, sigla portugés) 21 ne’ebé deklara, iha plenária Parlamentu-Nasionál katak, Mari Bin Amude Alkatiri simu subornu husi kompañia ConocoPhillips hodi fasilita kompañia refere  halo esplorasaun ba mina no gás iha tasi-timór.

Relasiona ho keixa Mari Alkatiri nian, deputadu 21 husi partidu CNRT, oras ne’e daudaun, nia konstituisaun (kualidade) hanesan suspeitu, enkuantu prezidente CNRT, Kay Rala Xanana Gusmão nia konstituisaun hanesan ‘Testemuña’.

Jurista timoroan, Sergio Quintas, hatete, Xanana hakarak halo keixa hasoru Mari Alkatiri ne’e tenke halo prosesu separadu (ketak) labele tau hamutuk, bainhira Xanana halo ona keixa ba Ministériu-públiku hasoru Marí Alkatiri konaba ‘subornu’, husi ne’e konstituisaun (kualidade) Marí nian hanesan ‘Arguidu’.

“Não ser, Xanana halo fali kontra keixa ida kona-ba subornu hasoru Alkatiri entaun nia prosesu tenke la’o ketak (separadu) labele tau hamutuk” dehan nia, 310321.

Provas ne’ebé antes ne’e Xanana dehan “provas kona-ba subornu”, Sergio Quintas dehan “ ida ne’e provas kontraditóriu atu defende deputadu 21 nia pozisaun nudár arguidu” la’ós uza ida ne’e hodi muda fali Alkatiri nia kualidade hanesan keixozu ba fali arguidu.

Iha artigu 274 Kódigu Prosesu Penál, ‘kona-ba kualisifikasaun jurídika’, jurista Sergio Quintas dehan “ne’e iha kontextu akuzasaun , por exemplu, se ministériu-públiku halo akuzasaun ba tribunal kona-ba deputadu 21, ne’e tribunal ko’alia de’it mak akuzasaun ne’e, iha akuzasaun nia laran ne’e preskreve katak, Mari Alkatiri hanesan lezadu no deputadu 21 hanesan arguidu, labele muda fali Mari Alkatiri nia kualuidade hanesan lezadu ba fali arguidu, ne’e labele, não ser iha akuzasaun seluk”.

Iha artigu 236 KPP, kona-ba ‘despaxu akuzasaun’ husi Ministériu-públiku ne’e “se mak arguidu nia nafatin arguidu no se mak hanesan lezadu nia nafatin lezadu” Quintas interpreta.

Hafoin kazu ne’e to’o iha tribunal, tuir jursita ne’e katak “provas produzidu iha audiénsia julgamentu nia alran no tuir konviksaun tribunal nia naran maka  juis bele komprova katak ema sira iha autus laran ne’e prienxe duni hanesan lezadu no arguidu ka lae, se la provadu, tribunal bele rejeita akuzasaun ne’e”.

Prosesu julgamentu komún, hahú husi Ministéiru-públiku

Tuir Kódigu Prosesu Penal Timor-Leste, artigu 48, katak M.P mak titular ba asaun penal.

Tuir artigu 49 KPP katak, M.P iha lejitimidade atu promove prosesu penál tuir númeru. 1, artigu 48 KPP.

Tuir kódigu prosesu penal (KPP), artigu 224, inkéritu hahú kuandu entidade enkarregada atu halo inkéritu simu notísia kona-bá krime, juristi quintas, interpreta katak, “durante inkéritu nee mak ministériu públiku indentifika katak testemuña ne’e indisíus forte sai arguidu entaun ministériu-públiku sei muda nia konstituisaun (kualidade)”.

Tuir artigu 225 KPP, kona-ba ‘inkéritu nia finalidade’, iha finalidade (ikus) husi inkéritu ne’e, Jurista dehan “ identifika ona se mak responsavel ba krime, se identifika ona se mak konstitui krime maka, ministériu-públiku foin elabora nia akuzasaun, se ministériu-públiku hare katak faktus ne’e la konstitui krime ka la deskobre ema la halo krime entaun Ministériu-públiku sei arkiva”.

“Kompeténsia ministériu públiku iha faze inkéritu ne’e iha kompeténsia atu notifika ema hanesan testemuña no arguidu, la’ós sidadaun ida ezije ba ministériu-públiku hodi sai arguidu ka testemuña” Quintas esplika.

Reportajen : Juvinal da Silva (310321)

How do you react to this article?
Like
Love
Haha
Wow
Sad
Angry
You have reacted on "Kazu Conoco, Alkatiri Bele Sai Arguidu, Bainhir..." A few seconds ago

Add to Comments Here!!!!

error: Content is protected !!