JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Ezije Ba PGR Atu Sai Arguidu, JSMP : Lei La Fó Dalan

Xanana Ezije Ba PGR Atu Sai Arguidu, JSMP : Lei La Fó Dalan

Dili – Diretora Programa Monitorizasaun Sistema Judisiál, Ana Paula Marçal, hatete, tuir Kódigu Penal Timór-Leste artigu 12 kona-ba “responsabilidade kriminál” labele transmite ba ema seluk, ema ne’ebé pratika krime, nia rasik mak ba hatán iha tribunal.

Prosesu julgamentu iha tribunal, mak juis bele deside  testemuña ida sai fali arguidu bainhira iha indisius forte, diretora JSMP dehan “testemuña bele sai arguidu maibé tuir lai julgamentu iha tribunal,  produsaun de provas maka bele deside testemuña ida ba sai fali arguidu, ema ida labele deklara an sai arguidu hodi proteje ema seluk”.

Ana Paula Marçal, argumenta, durante prosesu julgamentu iha tribunal mak iha indisíus forte, juiz bele arola (rejista) testemuña ida sai fali “arguidu hodi responsabiliza ba nia hahalok (ação)” ne’ebé halo tiha ona.

Prezidente Komisaun Lei no Justisa Parlamentar, Joaquin dos Santos, esplika, normálmente sistema judisiál iha Timór-Leste “prosesu julgamentu la’o tiha lai mak, iha testemuña nia deklarasaun ne’e iha indisíus forte atu sai arguidu entaun juis foin deside, la’ós testemuña ida ba deklara an atu sai fali arguidu”.

Relasiona ho Prezidente Conselho Nasionál Reconstrução Timorense, Kayrala Xanana Gusmão, nia ejijénsia ba Pokuradór Jerál Repúblika atu sai arguidu ba keixa sekretáriu Fretilin, Mari Bin Amude Alkatiri nian, Prokuradór Jerál Repúblika, José da Costa Ximenes, lakohi fó  komentáriu tanba kazu iha hela prosesu investigasaun.

“ida ne’e sai hensan matéria investigasaun, obrigado barak” dehan Prokuradór Jerál Repúblika, José da Costa Ximenes, hafoin audiénsia públika ho komisaun ‘A’ iha Parlamentu Nasionál, 300321.

Rekorda katak, Prezidente Conselho Nasionál Reconstrução Timorense (CNRT sigla portugés ) Kayrala Xanana Gusmão, deklara, durante presta deklarasaun iha Procurador Jerál Repúblika, nia hanesan sasin ba keixa Sekretáriu Geral Fretilin, Mari Bin Amude Alkariti, nia keixa  hasoru deputadu partidu CNRT na’in 21 tanba Marí Alkatiri konsidera deputadu sira halo denúnsia kalunioza (du’un-matak).

Antes ne’e deputadu husi CNRT deklara liuhosi plenária katak, Marí Alkatiri simu subornu husi kompañia internasionál ConocoPhillips hodi fasilita kompañia refere halo esplorasaun ba mina no gás iha Tasi-timor.

Maibé, iha segunda-feira, ohin 29 fulan Marsu, Xanana Gusmão, ba Prokuradoria Jerál Repúblika  hodi ezize ba prokuradór atu sai arguidu ba kazu refere, la’os sai sasin ka testemuña tanba Xanana dehan “prontu hatán iha tribunal no sei lori provas kona-ba subornu ne’e (subornu ne’ebé Marí simu husi ConocoPhillips)”.

Xanan Gusmão dehan “hau hakarak sai arguidu ba kazu ne’e tamba ha’u maka fo orientasaun ba membru cpn no deputadu partidu CNRT 21, atu levanta kazu ne’e iha parlamentu nasional” dehan nia liu husi konferénsia imprensa iha Bebora.

Xanana Gusmão argumenta, nia hakarak sai arguidu tanba nia dehan “tuir kódigu prosesu penal artigu 124 katak ‘Ema ne’ebé tama iha iha prosesu ida hanesan arguidu ka lezadu la bele fó
depoimentu iha prosesu ne’e’”
nune’e nia hakarak sai arguidu hodi hatudu faktus lolos ba tribunal.

Reportajen : Laurindo Raja Haba no Juvenal da Silva  (300321)

How do you react to this article?
Like
Love
Haha
Wow
Sad
Angry
You have reacted on "Xanana Ezije Ba PGR Atu Sai Arguidu, JSMP : Lei..." A few seconds ago

Add to Comments Here!!!!

error: Content is protected !!