PDHJ Rejista Kazu Violasaun Direitus Umanus 55 Durante E.E

Dili – Provedoria Direitus Umanus no Justisa-PDHJ, rejista kazu 55 husi fulan Janeiru to’o Marsu 2021, husi total ne’e, kazu 32 kona-ba indísiu violasaun direitus umanus no 23 liga ho indíuius  ‘boa governasaun’, iha kazu espesífiku ne’ebé  PDHJ simu mak kona-ba  agresaun fízika husi membru PNTL hasoru  pesoál saneamentu Iha Tasi Tolu no Taibesi inklui Keixa husi sidadaun ida ne’ebé mak la sofre Covid-19 maibé ekipa vijilánsia ‘Covid’ transporte ba tau iha  kuarentena.

Provedora Direitus Umanus no Justisa, Jesuina Maria Pereira Gomes, hatete  bainhira PDHJ simu keixa husi sidadaun “provedora haruka  karta imediata ba  Primeiru-ministru, Komandante  Jerál PNTL no Prokuradór Jerál Repúblika atu disseimina dekretu prezidente ‘Serka Sanitaria’ ba membru sira nune’e labele viola direitu sidadaun nia”.

Provedora direitus umanus no justisa dehan “tuir dekretu prezidente númeru 15/2021  ho artigu 21 ne’e bandu halo violasaun direitu ema nian durante estadu emerjénsia”.

Reportajen : Jose Araujo (250321)

How do you react to this article?

You have reacted on "PDHJ Rejista Kazu Violasaun Direitus Umanus 55 ..." A few seconds ago